Hai ocasións nas que pode costar entender que se agocha detrás do concepto de Software Libre. A definición máis usada di que é aquel software que podes usar, estudar, modificar e compartir.

Pero, imos poñer un exemplo usando dúas botellas de sidra asturiana (con mazá galega :) )

• A botella da esquerda pertence a unha empresa que ten os dereitos sobre ela. Só podes probala nos seus locais, ao prezo que eles poñan, non podes compartila cos amigos e nunca che dirán de qué está feita. Saber sabe a sidra, pero estános prohibido facerlle ningún tipo de análise.
• Sen embargo, a botella da dereita pertence a unha das moitas sidrerias que temos cerca. Por suposto, está feita con mazá, e ata che indican con qué variedade, non leva cousas raras, e por suposto, podes facerlle tantas análises como queiras. É máis, a receita que se usa neste local, foi mellorada ao longo dos anos coa axuda de todos os consumidores. Podes compartila con cantos amigos queiras, e onde queiras.

 

A pregunta que vos fago é ¿con que botella quedades?

 

Fonte: http://ubuntu-ast.org

 

Os nosos colegas de Inestable organizan a VIII edición das Xornadas GNU/Linux os próximos 21 e 22 de abril.

Estas xornadas constan de dous días de obradoiros sobre o sistema operativo GNU/Linux e o software libre en xeral. Nelas pretenden achegar o público asistente os beneficios de empregar dito software.

Este ano contarán ademáis cun pequeno concurso chamado PKI, no que o gañador recibirá un premio.

A asistencia as xornadas é gratuíta.

Este é o programa:

• Xoves 21 Mañá (10 - 13.30)
  • Presentación (30') N. Vidal
  • Charla sobre software libre (90') S. Tabarés
  • Obradoiro de drupal (90') A. Permuy
• Xoves 21 Tarde (16.00 - 19.30)
  • FEDWI (Porque internet non é software nin é libre) (90') D. Bañobre
  • Software libre na universidade (90') M. Branco , D. Lendoiro (formato barcamp)
• Venres 22 Mañá (10 - 13.30)
  • Túneles IP cifrados con OpenSSH (90') O. Casal
  • Presentación Obradoiro Arduino (90') J. Rodríguez
• Venres 22 Tarde (16 - 19.30)
  • Presentación obradoiro de Lego iNXTable (90') N. Vidal
  • PKI, o concurso definitivo!

 

O pasado 24 de marzo lanzouse a versión 4.5 "Slaine"

Trisquel é un sistema operativo totalmente libre baseado en GNU/Linux, dirixido a usuarios domésticos, pequenas empresas e centros educativos. É un proxecto que conta co apoio da Universidade de Vigo.

A súa principal característica é o emprego de software completamente libre, e iso fai que forme parte das distribucións puras recomendadas pola Free Software Foundation.

No blogue GenBeta fixeron algunhas probas a través dunha máquina virtual.

 

Sitio Web | Descargas

 

RMS:  "Facebook no es tu amigo, no lo uses. Su modelo de negocio es abusar de los datos de sus usuarios"

 

Fonte: Baquia